O Colexio de Economistas de Pontevedra celebrou con gran éxito de convocatoria a segunda edición de Econopadelistas, un torneo de pádel no que 32 colexiados/as divididos en 16 parellas competiron durante varias semanas ata chegar á final, na que se alzaron gañadores Mario Rodríguez e Pepa Otegui, e que tivo lugar nas instalacións de Indoor Pádel de Vigo.

A competición, patrocinada por Xpeng Vigo-Grupo Pérez Rumbao, e que culminou cun encontro de confraternización, foi exemplo de éxito de participación, compañeirismo e lecer saudable. Segundo indica a decana do Colexio e encargada de entregar os premios aos finalistas, Lucy Amigo, "a seguda edición de Econopadelistas superou as nosas expectativas de participación e é un claro exemplo do benefcio da fusión do deporte coas relacións profesionais".  

A segunda edición de Econopadelistas contou cunha fase de catro grupos con catro parellas, das cales pasaron a cuartos de final as dúas primeiras de cada grupo. As cruces de cuartos foron:

• Candea Álvarez e Luís Fernández contra Rafael Estévez e María Teresa Vidal
• Ángeles Sandoval e Jorge Vázquez contra Telmo González e Blanca González
• Alexandre Rodríguez e María Pazo contra Rubén López e Mariam Rigo
• Mario Rodríguez e Pepa Otegui contra Ana Fernández e Brais Comesaña 

En semifinais enfrontáronse Rafael Estévez e María Teresa Vidal contra Alexandre Rodríguez e María Pazo: e Ángeles Sandoval e Jorge Vázquez contra Mario Rodríguez e Pepa Otegui. A final enfrontou a estes últimos, que se proclamaron vencedores ante a parella formada por Alexandre Rodríguez e María Pazo.

Ante o éxito da segunda edición de Econopadelistas, Lucy Amigo afirmou que "é vontade do Colexio seguir impulsando actividades similares que fomenten a participación e fagan equipo entre todos os compañeiros e compañeiras".